Igande honetan, ekainak 2, izango da Pagoeta Eguna, 60. urtez jarraian. Pagoeta Mendizale Elkartearen eskutik, goizean hasiko dira ospakizun jarduerak. 08:00etan txistulariek kalejira egingo dute Zarauzko kaleetan barrena, eta 08:30ean Guria taberna aurrean jarri dute hitzordua, Pagoetara joateko.
11:30ean meza egingo dute Pagoetako gurutzearen ondoan, eta jarraian, erromeria izango da trikitilariekin eta txistulariekin. Jatekoa eta edatekoa ere eskainiko dute bertan.