Langile bat zauritu zen atzo Aian, zuhaitz bat hanka gainera erorita

Karkara

Basoan lanean ari zen gizona, istripua gertatu zenean.

Astearte goizean lan istripua gertatu zen Aiako Laurgain auzoan. Antza denez, 56 urteko langile batek hanka hautsi zuen, zuhaitz bat gainera erorita. Eusko Jaurlaritzako Segurtasun Sailak jakitera eman zuenez, 11:30ak inguruan langilea basoan lanean ari zen, zuhaitzak mozten, istripua gertatu zenean.

Larrialdi Zerbitzuak mendirako prestatutako ibilgailu batean bertaratu ziren gizona aurkitzen zen ingurura, zauritua artatu zuten eta esku-ohean anbulantziara pasa zuten. Ondoren Donostiako Ospitalera eraman zuten zauritua.

Gaurko ametsak biharko albiste izan daitezen, beharrezkoa dugu zure babesa.


Egin bazkide