Herritar eta auzotar guztiek elkarte gastronomiko berria ikus dezaten, 11:30etatik 13:30etara bitartean Andatzako elkarte gastronomikoa zabalduko dute. Lehen eskola zen eraikinean sortu dute Andatza Auzo Eskola Elkartea.
Aiako Udalaren jabetzako lokala erabiltzeko akordio batera iritsi ziren, eta udalak ordaindu ditu eraberritze lanak. Elkarteko kideek ere beraien ekarpena egin dute lokal berrian, eta kideek beraiek erosi dituzte mahaiak, aulkiak, eta lokalerako beharrezkoa duten materiala. 41 kide ditu egun elkarteak.
Elkarte gastronomikoa izango da igandean irekiko dutena, baina elkartearen eguneroko jardunerako gelak aurrerago zabalduko dituztela iragarri dute.