Aste gutxi falta dira Aiako San Donato eta San Lorentzo Jaiei hasiera emateko, eta festa batzordeko kideak dena primeran atera dadin buru-belarri gaian murgilduta daude. Sare sozialen bidez jakinarazi dutenez, festen antolakuntzan lan egiteko boluntarioak behar dituzte; beraz, antolaketa lanetan laguntzeko prest dauden herritarrak festa batzordeko kideekin harremanetan jar daitezke.