Orioko Arraunketa Elkarteko arraunlari Koxme Burutaran Munduko Unibertsitate Lehiaketan ari da parte hartzen egunotan. Kanadako Ontario probintziako London hiriak hartu du txapelketa hura, eta Burutaran aulki mugikorreko M1x modalitatean ari da lehian, Espainiako selekzioa ordezkatzen.
Gaur jokatu dute A finalera sailkatzeko estropada, eta Burutaran bigarren izan da bere txandan, Italiako ordezkari baten atzetik. Hala, finalerako txartela lortu du Orioko klubeko kideak. Bihar atseden eguna izango da, eta larunbatean jokatuko du finala, 17:20etan.