10:30ak pasatxo zabaldu dituzte Karela kiroldegiko ateak, eta jendetza juntatu da hip hop dantzariak ikusteko. Partaideetako asko Euskal Herrikoak izan dira, gipuzkoarrak, bizkaitarrak nahiz nafarrak, baina Espainiatik ere bertaratu dira, Errioxatik eta Asturiastik, esaterako.
Kategoria eta modalitate askoko lehiaketa da, eta banaka, binaka nahiz taldean parte hartu dute dantzariek. Aurtengoan ere haurren eta helduen taldeak izan dira Karela kiroldegian ezarritako oholtzan gorputzak astintzen.