Urola Kostako Udal Elkarteak Zaindu Urola Kosta izeneko prestakuntza saioak jarri zituen martxan 2022 amaieran, eskualdean zaintza arloan dabiltzan edo ibili nahi duten zaintzaileek "gaitasun tekniko zein zeharkakoak jaso eta barneratzeko" helburuarekin. Elkar-EKIN Lanean izeneko proiektuaren barruan dago, eta Enplegagarritasun eta Aktibazio Inklusiboko estrategia bat da, aldundiak eta Lanbide Euskal Enplegu Zerbitzuak finantzatua.
Parte hartzaileek SSCS0208 Mendeko pertsonei gizarte erakundeetan gizarte-eta osasun arreta lanbide ziurtagiria eskuratu ahal izan zuten, eta ikastaroaren "harrera ona" kontuan hartuta, urritik aurrera beste bi prestakuntza saio eskainiko ditu udal elkarteak, bat aurrez aurrekoa, eta bestea, online.
Izena emateko epea zabaldu dute dagoeneko, eta interesdunak Oteiza Lizeo Politeknikoarekin jar daitezke zuzenean harremanetan matrikula egiteko, bertara azalduta edota 943-11 10 00 telefono zenbakira deituta.
Ikastaro teorikoa eta praktikoa
Ikastaroak alderdi teorikoa eta praktikoa, biak izango ditu, eta partaideek eskualdeko erakundeetan burutuko dituzte praktikak.
Aurrez aurreko ikastaroa:
- Noiz: 2023/10/26-2024/05/16
- Ordutegia: 15:00 - 18:30, astelehenetik ostiralera.
- Edukia: Lanbide Ziurtagiriaz gain, zaintza sektorean lan egiteko egun garrantzizko diren alderdiak landuko dira: digitalizazioa, euskara eta ikuspegi holistikoa.
- Lekua: Oteitza Lizeo Politeknikoa (Zarautz).
Online:
- Noiz: 2023/11/06 - 2024/05/09
- Ordutegia: Norberak bere erritmora egingo du ikastaroa. Dena den, azterketak eta hainbat saio aurrez aurre izango dira.
- Edukia: Plataforma erabiltzen ikasteko aurrez aurreko saio bat antolatuko da urriaren 31n, 15:00etan.
- Lekua: Plataforma digitalaren bidez egingo da, eta aurrez aurreko saioak Oteitza Lizeo Politeknikoan izango dira (Zarautz).
Argibideak edo informazio gehiago nahi duenak 943-89 08 08 telefono zenbakira deitu dezake, edo lanpoltsa@urolakosta.eus helbidera idatzi.