Ez ohiko irudia utzi dute marea biziek gaur arratsaldean Orion eta Aian, Oria ibaiak gainezka egin baitu hainbat puntutan. Itsas mailaren azpitik dauden kaleetan estoldetatik atera da ura eta Ibai Ondo ibilbidea eta Aiako Ubegun industriagunea urpetu ditu.
18:22an izan da itsasgora gaur eta denbora tarte horretan izan da agerikoena aipatu irudia. Bihar ere marea biziak izango dira eta aurreikuspenak dio ia gaur bezainbeste igoko dela marea. Ondorioz, gaur gertatutako bihar errepikatu liteke. Gainera, eguerdi parterako euri asko egitea espero da eta horrek uholdeak izateko kezka areagotu du.
Argazkiak eta bideoa: Aiora Larrañaga Solabarrieta