Pagoeta Fest jaialdia antolatu dute datorren astebururako Aiako Zingira kanpinean, ostiraletik igandera bitartean. Artea, zirkua, musika eta umorea uztartuko ditu topaketak, eta horretarako familia osoari zuzendutako askotariko ikuskizunak, kontzertuak, jokoak, ibilaldi eszenikoak eta instalazio artistikoak antolatuko dituzte. Bertan parte hartuko dute Euskal Herriko, Kataluniako, Espainiako eta Frantziako artistek eta konpainiek: Barre Taldea, Jean Philippe Kikolos, Teatro Sobre Ruedas, Maite Guevara, Las XL, Las Polis, Nando Caneca, Domi Circo, Maleta Company eta Cie Balancetoi.
Karkara.eus-ek Pagoeta Fest Jaialdiko larunbateko saiorako sarrera bikoitza zozkatuko du bazkideen artean. Hala, zozketan parte hartu nahi dutenek izena eman dezakete lotura honetan. Irabazleak ostegunean jakinaraziko ditu Karkarak.