"Izugarria" izan da aurtengo Zegama-Aizkorri mendi maratoia. Halaxe deskribatu zuen Killian Jornet gizonezkoen lasterketako garaileak, errekor berria ezarri eta minutu gutxira (03.36.40). Marka giroa zegoela esan zuten adituek goizeko lehen orduan, eta emakumezkoen lasterketan ere aurreko marka hautsi zuen Nienke Brinkman irabazleak (4.16.43).
500dik gora parte hartzaile izan zituen atzoko lasterketak, eta horien artean izan ziren 5 aiar eta oriotar. Joxe Mari Errrastik lortu zuen markarik onena, ibilbideko 42 kilometroak 04.43.13 denboran eginez. Hiru minutu beranduago helmugaratu zen Gotzon Iruretagoiena, 04.46.31 denborarekin. Gero, atzerago ibili ziren Hodei Alkorta (05.46.02), Gurutz Agirre (05.27.54) eta Bittor Andres (07.29.59).