Hazi banaketa eta manta bilketa egiten ariko dira Herriko Plazan eguerdira bitartean

Julene Sorarrain

Herrio natur taldea Euskal Herriko zuhaitzak landatzeko hazi banaketa egiten ariko da 13:30era bitartean. Iriki Begik elkarteak, berriz, manta bilketa egiten egingo du 14:00 arte, kalean bizi diren pertsonei laguntzeko asmoz.

Hitzordu bikoitza izango da gaur goizean Herriko Plazan. Alde batetik, Herrio natur taldea Euskal Herriko zuhaitzak landatzeko haziak banatzen ariko da, 13:30era bitartean. Plazan jarritako postuan, besteak beste, lizarra, gaztaina, artea, haritza, elorri zuria, gorostia edota astigarra landatzeko haziak izango dira eskuragai. 

Beste aldetik, Iriki Begik elkartasun taldeak, kalean bizi diren pertsonei laguntze aldera, manta bilketa egingo du, 14:00etara bitartean. Azaldu dutenez, herrian bildutako mantak Herritarren Harrera Sarearen esku utziko dituzte, haiek arduratuko baitira berokiak behar bezala banatzeaz. Gainera, 2027ko Palestinaren aldeko egutegiak ere eskuragai izango dira taldearen postuan, 12 euroren truke. 

Gaurko ametsak biharko albiste izan daitezen, beharrezkoa dugu zure babesa.


Egin bazkide