Santa Zezilia, musikarien eguna, izango da azaroaren 22an, eta Danbolin musika eta dantza eskolako ikasleek, urteroko legez, jarduera sorta biribila prestatu dute egun horren bueltan. Azaroaren 19an, ostegunarekin, izango dira jarduera horiek, hain justu.
Egunari hasiera emateko, 11:00etan Eguneko zentrora joango dira zenbait ikasle eta irakasle ekitaldi txiki bat eskaintzera eta egoiliarrak abestera animatuko dituzte.
Arratsaldean, berriz, kontzertua emango dute trikitixa eta pandero taldeak, soka taldeak, bandak eta musikako eta dantzako ikasleek, Herriko Plazan, 18:00etan hasita.