Indarkeria Matxistaren Aurkako Nazioarteko Eguna izango da azaroaren 25ean, eta testuinguru horretan, herriko gaztetxoentzat proposamen bat dakar Saregile emakumeen etxean. Hain zuzen ere, sormen lehiaketa antolatu du.
Parte hartzaileek bakarka edo taldeka eman dezakete izena, eta proposamena edozein formatutan aurkeztu dezakete, hala nola bideo, argazki, abesti, eskultura edota bertso bat. Horretarako, interesdunek Gaztelekura jo beharko dute izena ematera, azaroaren 15a baino lehen. Lanak, berriz, beranduenez hilaren 19an entregatu ahalko dira, baita Gaztelekuan ere.
Behin lanak aurkeztuta, azaroaren 23tik 27ra bitartean erakusketa antolatuko dute Saregilen, herritar guztiek gaztetxoen artelanak ikusteko aukera izan dezaten.