Gipuzkoako Elikagai Bankuak deituta, Bilketa Handia egingo dute herriz herri azaroaren 13an eta 14an, elikagaiak, ekarpenak eta boluntarioak biltzeko eta Gipuzkoako milaka pertsonari laguntzen jarraitzeko. Bereziki beharrezkoak diren produktuak jasoko dituzte, besteak beste, lekaleak, kontserbak, olioa, pixoihalak eta haurrentzako produktuak.
Orion, zehazki, Eroski handian egingo dute bilketa bi egun horietan, eta azken urteetan bezala, Zuhaitz Esperientzi Eskola arduratuko da lan horretaz. Dena dela, herritarrek boluntario gisa laguntzeko aukera ere izango dute, eta horretarako interesa dutenek, 666 434 325 zenbakira deitu dezakete.