Orioko Futbol Taldeko neska-mutilak gogor aritu dira asteburu honetan. Etxetik kanpo lehiatu dira gizonezkoak, eta 1-1 berdindu dute Zarauzko taldearen aurka, eta emakumezkoek, berriz, 8-1 galdu dute, Tolosaren kontra.
Hala, sailkapenari begira, Ohorezko Mailan bosgarren postuan jarraitzen dute une honetan gizonezkoek zein emakumezkoek. Datorren asteburuan Añorgaren aurka ariko dira gizonezkoak etxean, eta Intxaurdiren kontra, berriz, emakumezkoak, baita etxean ere.