Zarauzko ZAST saskibaloi klubak aurtengo denboraldiako eskolan matrikula egiteko epea zabaldu du. Saioak LH3tik LH6era bitarteko neska-mutilei zuzenduta daude, eta Aia, Getaria, Orio edota Zarauzko gazteek eman dezakete izena.
Antolatzaileek aurreratu dutenez, Orioko saskibaloi saioak ostegunetan eskainiko dituzte, 17:30etik 18:30era bitartean, Karela kiroldegian. Hala, interesdunek izen ematea egin dezakete galdetegi honen bitartez. Informazio gehiago eskuratzeko, 623 169 554 eta 622 134 907 zenbakietara deitu daiteke.