Donostiako Musika Hamabostaldiaren Musika Aitzaki zikloaren barruan, Miriam Hontana eta Sonia Benavent biolin jotzaileek doako kontzertua emango dute igande honetan San Nikolas elizan, 20:30ean hasita.
Donostiako Musika Hamabostaldiak, musika klasikoaren nazioarteko zein bertako erreferenteez gain, musika garaikidea, haurrei zuzendutako emanaldiak, eta beste hainbat ziklo paralelo ere eskainiko ditu aurten. Tartean, Musika Aitzaki zikloa, jaialdiaren esentzia lurralde osora zabalduko duen ekimena.
Imitazione izenburupean, Vivaldi, Bach, Rameau, Leclair, Telemann, Purcell eta Rebel konposatzaileen obra ezagunak interpretatuko dituzte bi artistek.