Mallorcako Palman, udaberri oporraldiko egun batzuk pasatzen. L'Arenaleko hondartza izkinatik hiriburuko zentroa oinez egitea erabaki, 14 kilometro inguru, guztiz laua den ibilbidea.
Tipi-tapa goaz kostari itsatsita doan pasabide estuan eta ederrean. Halako batean, etxe zuri batean, jatetxea. Goian jangela, oraindik pertsianak itxita, eta behean taberna, jada irekita. Azken urte hauetan, oriotarrei ezagun egiten zaigun izena ezarrita aurreko horma pintatu berri zurian: Mola Mola.