Oporrak Bakean programaren barruan, gaur eguerdian iritsi dira Zarautzera Tindufeko errefuxiatuen kanpalekuetan bizi diren haur saharrak. Aurten, sei izan dira Saharautz elkartearen bitartez udako oporrak pasatzera eskualdera etorri direnak: horietako lauek Zarautzen pasatuko dute sasoia, eta beste biek Getarian eta Orion.
Protokolo arazoen ondorioz, iaz asko atzeratu zen haurren etorrera, eta haien egonaldia laburragoa izan zela gogoratu dute Saharautz elkateko kideek. "Aurten, zorionez, dena aurreikusi bezala hasi da. Orain haurrek eta familiek bi hilabete dituzte esperientzia trinko eta aberasgarri hau gozatzeko", gaineratu dute.
Elkarteak eskerrak eman dizkie Zarauzko, Getariako eta Orioko udalei haiengatik jasotako laguntzagatik, eta bereziki harrera familien inplikazioa aitortu dute.