Libe Arruabarrena ez da oriotar bakarra izango eskubaloiko juniorren Munduko Txapelketa jokatuko duena ekainaren amaieran, Txinan. Izan ere, Britney Coone oriotarra ere txapelketa horretan lehiatuko da. Hori bai, ez dira talde berean ariko, Arruabarrenak Espainiako selekzioarekin parte hartuko duelako, eta Coone-k, berriz, Amerikako Estatu Batuetakoarekin. Izan ere, hango nazionalitatea du.
Biak dira Orio Eragin klubean hasitako eta hazitako jokalariak. Arruabarrena Beti Onak taldean dabil gaur egun, eta Coone, berriz, Estatu Batuetan ari da ikasten, eta hango unibertsitate bateko eskubaloi taldean dabil.
Arruabarrena atzo hasi zen Munduko Txaplketarako entrenatzen, Elxen (Herrialde Katalanak). Ekainaren 9ra arte egongo dira han, eta jarraian, 4 Nazio txapelketa jokatuko dute Alemanian, ekainaren 9tik 13ra. Alemanian izango da Coone ere.