Orioko udalbatzak maiatzeko ohiko bilkura egingo du bihar, osteguna, 19:30ean hasita udaletxeko udalbatzar aretoan. Ohi bezala, saioa zuzenean atari honetan ikusteko aukera egongo da.
Udalbatzarrean honako puntuak bozkatuko dituzte:
- 2026ko udal aurrekontuaren lehenengo hiruhilekoaren exekuzioaren berri ematea.
- Kontu ematea, 404/2026 Alkate Dekretu bidez onarturiko udal aurrekontu propioaren 4/2026 zenbakidun kreditua aldatzeko espedientea, kreditu transferentzia modalitatean.
- Onartzea, egoki bada, Orioko Udalaren 2026-2027 dirulaguntzen plan estrategikoa.
- Onartzea, egoki bada, Javier Iturriza Izeta eta Idoia Luluaga Etxeberriak aurkeztutako eskaria, udal hilerriko 68 zenbakidun panteoia adjudikatzeko, emakida administratibo erregimenean.
- Eskariak eta galderak.