Orioko Udalak 4 administrari hautatzeko oposizio lehiaketa jarri du martxan. Lehen proba ekainaren 8an izango dela aurreratu dute, astelehenarekin, 10:00etan Karela kiroldegian, eta deialdiak izandako "erantzun zabala" ikusita, azterketara hautagai asko etorriko direla aurreikusi du udalak. Ondorioz, herrian ohi baino jende gehiago ibiltzea espero dute.
Dena den, kiroldegiko espazioak egokituko badira ere, instalazioak zabalik egongo dira erabiltzaileentzat. Deialdian parte hartuko dutenentzako informazioa udalaren webguneko Lan eskaintzak atalean jarriko dute eskuragai.