Lautik hiru bandera poltsikoratu ditu Badok 13 beteranoen arraun taldeak. Izan ere, asteburuan beste garaipen bat lortu du Hondarribian, Fortuna Beteranoen XV. Bandera.
Taldekideek nabarmendu dute ez zela estropada erraza izan: "Azken txandan haizeak nabarmen gogortu zuen itsasoa, eta estropada zaildu egin zen. Taldeak, lehen ziabogan seigarren postuan igaro arren, pixkanaka bere arraunketa egonkorra egiten jakin zuen, gainera kalerik txarrenean arituta. Estropadak aurrera egin ahala, postuak berreskuratzen joan zen".
Orioko taldeak 13:24,00 denbora eginda lortu zuen garaipena; Getxo izan zen bigarren 13:31,59 denborarekin, eta Fortuna hirugarren, 13:45,05 denboran helmugaratuta.
Erlojupekoa
Datorren astean, liga Bizkaira mugituko da, Bilbon jokatuko baita erlojupeko estropada, Ibaizabalen.
Sailkapenean lider da Badok 13, eta postu horri eusten saiatuko da taldea.