Ezohiko hizlaria hartuko du Arraunetxek ostegun honetan: Benito Lertxundi musikaria. Ibon Gaztañazpik gidatuko du solasaldia, eta herritarrek galderak egiteko aukera izango dute, bai han bertan, baina baita aurrez ere. Izan ere, udalak honako galdetegia prestatu du herritarrentzat, eta gaur amaituko da galderak egiteko epea.
125 urte beteko dira aurtengo maiatzaren 14an oriotarrek azken balea harrapatu zutenetik, eta udalak Lertxundi omenduko du egitarauko azken egunean, hilaren 17an: Et Incarnatus orkestra sinfonikoa haur abesbatzarekin, kontzertua izango da 20:00etan Karela kiroldegian.