Zumaia izan du aurkari Orioko Futbol Taldeko gizonezkoen gorengo taldeak asteburuan, eta Touring, emakumezkoenak. Talde indartsuak ziren biak, sailkapenaren goialdean daudelako bata zein bestea, baina oriotarrek hortzak erakutsi dizkiete. Gizonezkoek berdinketa lortu zuten, partida golik gabe amaituta. Emakumeek, berriz, 2-0 galdu zuten.
Hurrengo partidak etxean jokatuko dituzte Orioko neska-mutilek, biek sailkapenean pare samar dituzten taldeen kontra: gizonek Bergara hartuko dute, eta emakumeek, Hernani. Gaur-gaurkoz, 13. postuan dira Orioko gizonak 33 punturekin, eta 11. emakumeak, 29 punturekin.