Langileak Eusko Gudari kaleko frontoiaren hormak eraisten ari dira joan den astetik, eta Orioko Udalak ohar bidez jakinarazi du bihar, osteguna, eta hurrengo asteko ostiralean, maiatzak 8, trafikoan eragina izango dutela eraiste lan horiek. Hala, udaltzainek bideratuko dute trafikoa bi egun horietan.
Antza, makina gehiago eramango dituzte lanen eremura, eta horrek eragina izango du errepideko zirkulazioan, mozketa puntualak egin beharko dituztelako.
Horrez gain, alde zaharreko bizilagunek ezingo dute Pelotari kalerantz jaitsi, eta Antxiola kalea (N-634 errepiderantz) edo San Martin bidea erabili beharko dituzte herrigunera jaitsi edo bertatik irteteko.