Badok 13 taldeko arraunlariek Santurtzin (Bizkaia) jokatutako estropadan eskuratu dute denboraldiko lehen garaipena. Itsasoko Ama Beteranoen III. Bandera izan zuten jokoan larunbatean, eta iaz bezala aurten ere, garaipenarekin itzuli ziren etxera.
Aurten, ordea, azkarrago ibili dira oriotarrak, 12:47,76 denborarekin helmugaratu baitziren larunbatean, Getxoko eta Zumaiako taldeen aurretik sailkatuz. Iazko marka, hain justu, 12:50,83 izan zen.