Gerturatu da aurtengo Maiatzaren Lehena. Ostiral honetan izango da Langileen Nazioarteko Eguna, eta LAB sindikatuak eskualde mailan egingo ditu aldarrikapenak. Zumaian izango da manifestazioa, eta hara joatera deitu ditu herritarrak. Ondoren, gainera, bazkaria egongo da, eta harako txartelak Orion ere jarri dituzte salgai, Kolon Txikin.
Manifestazioa 12:00etan hasiko da Beheko Plazatik. Etxebizitza eskubidea, kalitatezko zerbitzu publikoak eta soldata eta pentsio duinak aldarrikatuko dituzte aurtengoan.
Bazkaria, berriz, 14:00etan izango da, Kofradian.