Balearen Eguna dela-eta, bertso afari berezi bat antolatu dute aurten. Auskalo zeinek jarriak izeneko emanaldia eskainiko da bertan, Unai eta Eñaut Agirre anaien eskutik, iragana eta orainari buruzko bertsoak botaz.
Hori gutxi balitz, afariaz gozatzeko aukera ere egongo da, baina ez da ohiko saioa izango, tartean a capella abestuko baitute hernaniarrek. Beraz, isiltasuna eskatuko zaie bertaratzen direnei.
Balea elkartean ospatuko da, hain justu, maiatzaren 14an, elkarteko kideek eta Errikotxiak antolatuta. Orioko Txarangaren kalez kaleko emanaldiaren ondoren hasiko da, 20:00etatik aurrera.
Afarirako menua honako hau izango da: entsaladilla, arrain zopa, karrillerak eta postrea (edaria barne). Txartelak Kolon Txikin eta Kutixin eros daitezke jada, 25 euroan.