Arraun hitzorduz betetako asteburua izan du Orio Arraunketa Elkarteak (OAE). Alde batetik, larunbatean Gipuzkoako Trainerilla Ligari ekin zioten etxeko uretan, eta bestetik, atzo San Telmo sariak izan zituzten jokoan Zumaian. Bi hitzordu horien artean, Espainiako Batel Txapelketako sailkatze estropadak ere jokatu dituzte Legution (Araba).
OAEk guztira lau batel aurkeztu zituen probara, eta askotariko emaitzen artean, gizonezko absolutuek urrezko domina ekarri zuten etxera. Diego Perez, Mikel Lizarralde, Adrian Gonzalez, Ander Zabala eta Oihan Manterola arraunlariek osatu dute ontzi hori, eta 08:38,00 denborarekin amaitu zuten proba.
Gainontzeko ontziei dagokienez, hurrengo postuetan amaitu dute: infantil mutilek bosgarren egin dute, kadete mutilek seigarren (B finala irabaziz), eta kadete neskek hamargarren.
Hala, OAEk asteburuan lortutako garaipenarekin, 19 Espainiako Batel Txapelketa metatu ditu, maila guztiak kontutan hartuta. Zehazki, gizonezkoen absolutu mailako zazpigarren txapelketa da aurten lortutakoa; azkenekoa 1995. urtean irabazi zuten, La Coruñan (Galizia).