Gipuzkoako Batel Ligako jardunaldiz betetako asteburua gorabeheratsua izan da Orio Arraunketa Elkartearentzat. Izan ere, larunbatean Oreretan (Gipuzkoa) jokatzekoa zen zortzigarren jardunaldia bertan behera geratu zen ibaiaren egoera txarragatik. Igandean, aldiz, Getariak hartu behar zuen bederatzigarren jardunaldia, baina eguraldi eskasagatik Legutiora (Araba) lekualdatu zuten hitzordua.
Hori horrela, eguraldia lagun izan ez arren, txandaka eta bost kaleetara jokatu zituzten estropadak Arabako uretan. Orioko klubak guztira bederatzi batel aurkeztu zituen eta askotariko emaitzen artean, azpimarratzekoak dira infantil eta kadete mutilen garaipenak.