Orio Arraunketa Elkarteak bihar egingo du urteko ohiko batzarra. 18:30ean hasiko da bilera Arraunetxeko areto nagusian, eta gai zerrenda urteroko puntuek osatuko dute: aurrena azken batzarreko akta irakurri eta onartuko dute; ondoren, iazko urteko balantzea egingo dute; azkenik, aurtengo aurrekontuaren berri emango dute.
Bazkideek, amaieran, galderak eta eskariak egiteko aukera edukiko dute.