32. Oriaren Traineru Jaitsiera jokatu zuten atzo arratsaldean Orioko uretan. Guztira 78 ontzi uretaratu ziren, sei kategoriatan banatuta: inklusiboak, llagut ontziak, jubenilak, beteranoak, emakumezkoak eta gizonezkoak, zehazki.
Jokoan zeuden hiru banderetatik, bi Orion geratu dira, gizonezkoena eta beteranoena, hain justu. Orio Arraunketa Elkarteak eta Badok 13k irabazi zituzten bandera horiek, eta emakumezkoen kategorian, berriz, Donostiako Arraun Lagunak taldea nagusitu zen.
