Orioko Udalak jakitera eman duenez, Izen Producciones ekoiztetxeko kideak The Game telesail britainiarrerako zenbait eszena grabatuko dituzte Orion datorren astelehenean, martxoak 9. Iazko maiatzean estreinatu zuten telesaila, eta duela gutxi erretiratutako detektibe baten bizipenak kontatzen ditu.
Aganburu eta Itxaspe arteko bidean egingo dituzte grabaketak, hain justu, eta "eremuaren segurtasuna bermatzeko", errepidea erabat itxiko dute, eguerdiko 13:00etatik 15:00etara bitartean.