Oria Bizi elkarteak helduentzako ate irekiak antolatu ditu aurten ere aisialdiko arrauna proba dezaten. Aurreneko saioa hurrengo astean izango da, hilaren 20an, ostiralarekin, 15:30ean, 16:30ean eta 17:30ean. Bigarrena handik astebete pasatxora, hilaren 28an, larunbatarekin, aurreko ordutegi berean.
Elkarteko kideek jakinarazi dute txanda bakoitzean gehienez hamar pertsona hartuko dituztela, eta 18 urtetik hasita, adin mugarik ez dagoela beraiekin uretaratzeko.
Parte hartu nahi duenak, hori bai, izena aurrez eman beharko du oriabizi2022@gmail.com helbide elektronikora idatzita, edo telefonoz, 722 20 18 44 zenbakira deituta.