Pasaiako badiak hartu zuen atzo Gipuzkoako batel ligako bosgarren jardunaldia. Goizeko 11:00etatik aurrera aritu ziren ontziak lehian.
Orioko Arraunketa Elkarteko ontziek lan ona egin zuten, oro har, eta batzuk garaipenak ere erdietsi zituzten beraien estropadetan. Infantil mutiletan, Orio B bigarren izan zen eta A ontzia hirugarren. Infantil neskatan, berriz, laugarren egin zuten oriotarrak. Promesa mutiletan garaipena lortu zuen Orio A-k eta seigarren egin zuen B batelak. Promesa neskatan, aldiz, bosgarrena izan zen Orioren A ontzia, hamalaugarren Orio C eta hamaseigarren Orio B. Amaitzeko, maila absolutuko Orioren batela bigarren izan zen gizonetan.
Donostian jokatuko dute datorren larunbatean, hilaren 16an, ligako seigarren jardunaldia.