Orio Arraunketa Elkarteko gazteek Gipuzkoako Batel Ligako bosgarren jardunaldia izango dute jokoan bihar goizean. Hain zuzen ere, Pasaian (Gipuzkoa) jokatuko dute Sanpedrotarra Arraun Elkarteak antolatutako hitzordua, 10:30ean hasita.
Erlojupeko estropada izango da, lau kaletara, eta Orioko klubak guztira bederatzi ontzi uretaratuko ditu, infantil, promesa eta absolutu kategoriatan banatuta.