Orioko Atletismo Taldeak jakinarazi duenez, aurten San Silbestre lasterketa korritu behar duten haurrek eta helduek asteartean izango dute dortsalak jasotzeko aukera. Hain zuzen ere, arratsaldeko 18:00etatik 20:00etara bitartean izango dira eskuragai, ikastolako pergolan.
Antolatzaileek dei egin die herritarrei asteartean gerturatzeko dortsalen bila, izan ere, azken egunean "denboraz oso justu" ibiltzen dira. Hala ere, abenduaren 31n, lasterketa egunean, goizeko 09:00etatik 10:30era ere hartu ahal izango dira dortsalak.
Haurren probak 11:00etan hasiko dira, eta helduena, berriz, 12:00etan.