Xabi Solano eta Jon Garmendia Txuria musikariek hiru hamarkadatik gorako ibilbidea egin dute musikaren munduan, Etzakit, 4 itzal eta Esne Beltza bezalako taldeetan, baita bakarka ere, eta 250 abesti baino gehiagoko errepertorio zabala sortu dute.
Ibilbide horretatik abiatuta sortu dute Bidasoatik harago, ipuin laburrak eta poemak batzen dituen emanaldia, trikitiaz eta gitarraz lagunduta. Eta horixe eskainiko dute Orioko Kultur Etxean larunbat honetan, hilak 20, 19:30ean hasita.
Sarrerak eta zozketak
Sarrerak Turismo Bulegoan daude salgai 10 euroan, eta Orioko Kultura sailaren eskutik, Orioguka.eus atariak sarrera bikoitz bat zozkatuko du bere irakurleen artean.
Zozketan esteka honen bidez parte har daiteke. Bihar, osteguna, 15:00etan amaituko da zozketan parte hartzeko epea.