Gaur, asteartea, bi orduz zirkulazioari itxita egongo da Kale Nagusia. Hala jakinarazi du Orioko Udalak. Izan ere, fresaketa lanak egingo ditu Kale Nagusiaren eta Almirante Oa kalearen arteko bidegurutzean. Jendea ez irristatzeko tratamendua emango dute zoruan, eta horregatik, zirkulazioari itxita egongo da bidea, 09:30etik 11:30era arte.
Hala, Danbolin musika eskolatik datozen ibilgailuak ezingo dira San Martin aldera igo, eta Antxiola kaletik bideratuko dituzte. Era berean, Kale Nagusiaren amaierara eta San Martin auzora joateko edo bertatik jaisteko, Txanka bidea erabili beharko da.