Iazko edizioaren arrakasta ikusita, Zaragueta Herri Eskolak musika tailer irekia antolatu du aurten ere herriko haurrentzat. Bihar izango da lehenengo saioa, 16:45ean hasita, ikastetxean bertan, eta Iñaki Goenagak eta Hanni Intxaustik eskainiko dute. Datozen saioak urtarrilaren 23an, martxoaren 13an eta maiatzaren 22an izango dira.
Saioa 0-4 urte arteko umeei zuzenduta egongo da, eta helburu nagusia musikaren bidez haurrak estimulatzea izango da.0-2 urteko umeen saioak 45 minutuko iraupena izango du, eta 3-4 urtekoenak, aldiz, ordubetekoa.
Hala, herriko haur guztiak tailerrean parte hartzera gonbidatuta daude. Saioak guztiz doakoak dira, eta izena emateko, interesdunek kaixo@zaragueta.eus helbidera idatzi dezakete.