Euria eragina izaten ari da gaur errepideetan. Arratsaldeko lehen orduan, harkaitz zati handi bat erori da Anibarko Portuan, N-634 errepidean, Usurbildik Oriorako noranzkoan. Errei bat oztopatu du, eta ertzainek zirkulazioa bideratu behar izan dute. Une honetan harria errepidetik kentzeko lanetan ari dira. Dirudienez, inork ez du minik hartu.
Goizean ere izan da ezbeharrik. 08:30 aldera auto batek bazterra jo du errepide berean, Zarauztik Oriorako noranzkoan, Orio gaina pasatu eta herrira jaisteko dagoen bihurgune handian. Istripu arina izan da, baina ertzainek txandaka bideratu behar izan dute zirkulazioa orduan ere.