Harri Herri ETB1eko telebista saiorako sailkapen proba Orion egingo dute igande honetan 12:00etan, Herriko Plazan. Laugarren denboraldia du harri jasotze saioak, eta ETB1 telebista kate publikoan emango dute igandeko saioa azaroaren 30ean, igandearekin, 16:00etan.
Euria eginez gero, kiosko barruan grabatuko dute saioa. 12:00etan hasiko da proba, eta kirolari bakoitzak programarako espreski sortu diren harri baldarrak erabiliko ditu. Emakumezkoenak 73,5 kilo ditu, eta gizonezkoenak, 132,15 kilo. Elene Ostolaza oriotarrarekin batera, Lierni Osa eta Jokin Eizmendi zarauztarrak, Ane Atxutegi, Alba Zubiria, Ane Cestau, Gorka Etxeberria, Xabier Aranburu, Mikel Marijuan, Beñat Telleria, Jon Marijuan eta Oskar Aguas harri jasotzaileak lehiatuko dira bertan.