Gipuzkoako Elikagaien Bankuko Orioko boluntarioak gustura dira herritarrek beste behin egindako ekarpenarekin. Ostiralean eta larunbatean egun osoan egon ziren Eroski supermerkatuan oinarrizko produktuak jasotzen, eta guztira, jakiz betetako hamar kaxa handi eta olioz betetako beste hamar kaxa txiki bete dituzte.
Txandaka, zortzi-hamar boluntario aritu dira zeregin horretan, eta udaberrian egingo duten hurrengo kanpainarako herritarrak animatu dituzte boluntario hastera. Izan ere, Orion dauden boluntarioetako batzuk adinez oso nagusiak dira, eta nahiko lukete belaunaldi gazteagoen laguntza jaso.