Iriki Begik elkarteak neguko arropa eta materiala bilduko du datorren astean, SOS Arrazakeria elkarteari bidaltzeko helburuarekin. Antolatzaileek zehaztu dutenez, gizonezkoen neguko arropa eta oinetakoak jasoko dituzte, baita mantak, lo zakuak edota kamiseta termikoak ere. Halaber, egoera onean dagoen materiala ekartzeko eskatu diete herritarrei.
Herriko Plazan jarriko dute postua, eta bertan izango dira azaroaren 14ean, 17:00etatik 20:00etara, eta 15ean, berriz, 11:30etik 13:30era. Informazio gehiago eskuratzeko, irikibegik@gmail.com helbidera idatzi daiteke.