Arkupe Orioko ostalarien eta dendarien elkarteak berrerabilpena sustatzeko kanpaina jarri du martxan. Hain zuzen, termo berrerabilgarriak banatuko ditu herriko saltokietan erosi eta kontsumitzeagatik.
Kanpaina gaur hasi eta ostegun honetan, hilaren 23an, amaituko da. Taberna edo saltoki bakoitzak bi aukera izango ditu; erosleen artean zozketa egitea edo lehenengo erosketa egin dutenak saritzea. Irabazleari txartel bat emango diete, termoa kafez beteta zein tabernatan jaso behar duen jakiteko. Ostiralean, hilaren 24an, joan beharko du irabazleak Arkuperen kontura izango den kafearen bila. Guztira 250 termo banatuko ditu elkarteak.
"Helburua berrerabilpena sustatzea da, plastiko eta hondakin gutxiago sortuz, eta kafea modu jasangarriagoan gozatzeko aukera eskaintzea", azaldu dute Arkupeko arduradunek.