Donostiako 73. Zinemaldiaren Sail Ofizialean estreinatu dute Maspalomas filma, Jose Maria Goenaga eta Aitor Arrutiren zuzendaritzapean. Bikotearekin hautsi ondoren, Vicentek gustuko duen bizimodua darama Maspalomasen (Kanariak, Espainia): eguzkia, parranda eta gozamena dira bere eguneroko jardunak. Baina istripu batek Donostiara itzultzera behartuko du eta han aspaldi abandonatu zuen alabarekin elkartuko da berriz.
Maialen Sarasua zinemagile oriotarrak editore bezala hartu du parte filmean, eta ikusteko interesa dutenek, sarrerak eskuragai dituzte Zinemaldiaren atari digitalean.