Iriki Begik elkartasun taldeak bigarren eskuko kirol arropa jasoko du aste honetan herriko bi ikastetxeetan eta Mendibeltz futbol zelaian. 6 eta 16 urte bitartekoen neurriko arropak jasoko dituzte. Zehazki, honako kiroletako materiala bilduko dute: judo, arrauna, pilota, dantza, futbola, eskubaloia, saskibaloia, surfa, igeriketa eta eskola kirola.
Zaragueta Herri Eskolan eta Orio Herri Ikastolan gaurtik ostiralera bitartean bilduko dute materiala, eta Mendibeltzen, berriz, ostiral honetan, 17:00etatik 20:00etara. Mendibeltzen kanpoaldean egongo direla zehaztu dute.
Elkarteak gogorarazi du egoera onean dagoen arropa bakarrik onartuko dutela.