Dagoeneko argitaratu dute Ciaboga aldizkariaren zenbaki berria, Orio protagonista duena. Izan ere, duela ehun urte, 1925. urteko irailaren 13an, Orio nagusitu zen Kontxako Banderan, Antonio Mari Uranga patroi zela. Hala, #Kontxa100 proiektuaren bederatzigarren edizioan, Orio ari da izaten protagonista nagusia.
Donostiako Euskal Itsas Museoak eta Aquariumek elkarlanean bultzatutako egitasmoa da #Kontxa100, eta xedea da mende bat atzera egin eta urte hartako Kontxako estropadaren ondare kulturala eta historikoa jasotzea. Estropada horretan gertatutakoak bildu eta kontatzeaz gainera, zenbait kirol proba ere antolatu dituzte horri lotuta. Hori horrela, interesa dutenek ondorengo lotura honetan iraku dezakete #Kontxa1925 argitalpena.