Genozidioa stop! lelopean, mobilizazioak deitu zituen atzo Gernika-Palestina egitasmoak Euskal Herriko herri eta auzoetan. Beste hainbat txokotan bezala, Orion ere ez zuten hutsik egin herritarrek, eta herriko plazan dozenaka oriotar bildu ziren Israel Gazan eragiten ari den sarraskia salatzeko.
Ez zen elkarretaratze isila izan, kontrakoa, baizik. Txistu, zartagin nahiz bestelako gailuekin ozen atera zuten zarata oriotarrek Palestinaren egoera salatu eta haiei elkartasuna adierazteko.